5. Ait'umma esändälle.(Pärast jootusid).

SL 1951.
SKS, Veske-Stein nr. 113 < Lindsi k. - V. Steini abiline (e.a. 1872).

Olgõq terveq, noorõqherräq!
Anniq meil viina vinäld juvvaq,
ollut ilma ostmalda,
mõtu ilma mõõtmada,
saksa taari tahtmada.
Sai_ks meil viina vinäld juvvaq,
sai meil viinast veselida,
sai ollõst usinaq,
selle mi, naisõq, naljatõlli,
inemiseq ilotõlli.
Olgõq terveq, noorõqherräq!
Sedä es mõtlõq mi meelekene,
tiiä-s hellä hingekene,
et s´oohõ tarrõ sai tands´ma,
siiä illo pidämä,
rõõmukõrda kandma.
Umma tarrõ tahtsõ mi tands´ma,
umma kodo kuukma.
Naisõkõsõq noorõkõsõq,
linikpääq linnukõsõ,
kui mi_ks lää umma kodo,
mehel olliq piidsaq pingi pääl,
olliq vaja pääl vaibaq roosaq,
pessi naisõ piha pääle,
ohukõsõ ola pääle.
Olgõq terveq, noorõqherräq!
Selle jäi kabo kaugõs:
anti viina vinäld juvvaq!
Selle mi teie trilla-tralla:
olõ mi_ks viinast veselaq,
olõ_ks mi ollõst usinaq.
Täämbä mi tii trilla-tralla,
hummõn tii uia-aia,
kui mi hummõn lää oihkih olilõ,
täämbä terve, et viina anti.
See tõisend on alguskiri laulule SL II, 905.