9. Imeh ilma pääl.

SL 1955.
H, Setu 1903, 288 (135) < Helbi k. - Jak. Hurt < Miku Ode (1903).

Neio_ks-kõist noorõkõist,
noorõ_ks-kõist, nõrgakõist!
Nakas´ iks päivä paistma,
tulli_ks no kuu korgõhe,
päivä_ks no pää kottallõ.
Ärä_ks ma lausi meelestäni,
lausi_ks ma meele poolõstani:
"Naka_ks ma, neio, minemä,
naka_ks ma, kabo, kaaluma!"
Lätsi_ks ma kunnu kottallõ,
vaha_ks-ma-varigo viirde,
ärä ma_ks kai meelestäni:
kõo_ks-kõnõ, tammõkõnõ,
vaher iks valgõ puukõnõ,
alta_ks no juurdõ jõgi juusk´,
päältä_ks no latvo päivä paist´.
Sõidi_ks no, sõidi, neiokõnõ,
kaldu no_ks, kaldu, kabokõnõ,
neio_ks, ma lätsi tükü tiid,
partsi_ks, ma lätsi pala maad.
Määntse näi_ks ma imme ilma pääl,
rahva näi_ks ma naaru maa pääl?
Kana näi ma_ks kangast kudavat,
kiko näi ma_ks hoije höörätävät,
oinas läts no_ks mäkke määgih,
puul oll´ iks pöet, tõnõ jätet;
härgä läts iks no mäkke müügih,
puul olli_ks no nil't, tõnõ jätet;
kana läts no mäkke kaaritõh,
puul oll´ no kakut, tõnõ jätet!
S´oo näi ma_ks imme ilma pääl,
rahva naaru maa pääl.
Oh iks minno neiokõist,
minno_ks no meelimar´akõist -
neio, olli ma_ks kavval´ kaema,
pakan´ olli_ks miilde pandõma.
Miä_ks ma näi, neiokõnõ,
tuu_ks ma kirjä kirodi;
miä_ks ma, kabo, kavatsõlli,
tuu_ks ma panni paprõhe.
Neio_ks-no-kõist noorõkõist,
linahiust linnukõist!
Vrdl: SL II, 1290.