11. Sisse tulõ sugu suuri.

SL 1629.
H III 29, 852 (2) < Setumaa - M. Evert < Juuli Pille (1901).

Neiokõnõ noorõkõnõ,
noorõkõnõ, nõrgakõnõ,
kae_ks, kae meelestänni,
uma meele poolõstanni:
sisse tulõ_ks nu sugu suuri,
sugu suuri, võsa võrgas.
Ärä_ks meile torrõq tulgu-i,
torrõq tulgu-i, kärreq käugu-i!
Torrõq merde touka,
kärreq merde käänäskelle.
Eka_ks mi pelgäq torõhit,
käänä-i pääd kärehile -
kõr´gelõ_ks mi vasta kõnõlõ,
kärehile vasta kärädä!
Velekene_ks noorõkõnõ,
noorõkõnõ, nõrgakõnõ,
kae_ks, kae meelestänni,
uma meele poolõstanni,
teiltä_ks mi künnü küsümähe,
nõssi teiltä nõudõmahe:
keä om iks neidä rahvit,
kua kulla käüjit?
Omma_ks naaq Riiga minejäq,
vai tahtvaq minnä Tartohe?
Rihe takast lätt Riia tii,
tarõ takast lätt Tarto tii.
S´oo_ks ma kõrralda kõnõlõ,
as´anda juttu aja -
olõ-i naaq Riiga minejäq,
taha-i minnä Tartohe,
omma_ks naaq hobõsõ ostijaq,
ommaq karja kaupõlõjaq.
S´oo_ks ma kõrralda kõnõlõ,
as´anda juttu aja -
olõ[-i] iks naaq hobõsõ ostijaq,
olõ-i karja kaupõlõjaq,
omma_ks naaq neio ostijaq,
omma_ks kabo kaupõlõjaq.
Neiokõnõ_ks noorõkõnõ,
noorõkõnõ, nõrgakõnõ,
pakõ_ks, pakõq, pardsikõnõ,
lindaq, suvilinnukõnõ,
mine_ks mehiste sisse,
kimalastõ keskehe!
Neiokõnõ_ks noorõkõnõ,
noorõkõnõ, nõrgakõnõ!