12. Kas om saaj saapil?(Peigmehele minnakse vasta.)

SL 1630.
H, Setu 1884, 40 (9) < Kran´tsova k. - Jak. Hurt < Darja Petrovna (1884).

Lasõ_ks mi kae meelestäni,
kas om taa_ks saaj saapil,
kaasigõq käbükängil?
Kui olõ-i taa saja saapil,
kaasigõq käbükängil,
saja panõ sys morolõ saisma,
hunni lüümä huulitsahe,
maalõ_ks mi tapa tarvahärä,
maalõ lasõ laugiotsa,
panõ_ks mi saja saapillõ,
kaasigõq käbükängile!
Lasõ_ks mi kae meelestäni:
kas nu omma_ks hüvvil hobõsil,
ommaq raudarattõhil?
Teno_ks olguq jumalallõ,
kõik om iks mi meeltä pite,
mi ese ihatut pite:
kõik ommaq taa_ks sajasaapil,
kaasigõq käbükängil,
kõik iks sugu sukmannel,
võsa Võnnu rõivil,
ülä_ks om taa hüvvil hobõsil,
kallil kaarasüüjil!
Pää_ks näil tandsõ taivahe,
lehti pilvile libisi,
seie_ks naaq haina taivast,
jõieq vii vikahtkaarist!