16. Kas tulõ vasta näio ese, kallus vasta näio kandja?(Peigmehe kaasikud kaasitavad sisse sõites vankri päält.)

SL 1634.
H II 4, 390 (163) < Ugareva k. - Jak. Hurt < Kriisa Kati (1886).

Mi kae meelestäni,
kae meele poolõstani,
kas tulõ vasta näio ese,
kallus vasta kasvataja?
Oius vasta usinahe,
kallus vasta kallihe,
sys mi_ks otsõ oigõ näio,
sys mi kai kalli kabo.
Ku tulõ vasta torõhõhe,
kaes vasta kammõlikku,
sys saa meile kuri näio,
kallus meile kalg´ kabo.
Teno_ks olguq jumalallõ,
au anna Marijallõ:
ese tull´ vasta ilosahe,
kaldu vasta kallihe,
klaas iks käeh kullanõ,
pikri peoh hõbõhõnõ!
Velekene noorõkõnõ,
kallis imekanakõnõ,
inne är maaha mingu-i,
saatu-i saabast är morolõ,
ku tulõ vasta näio ime,
kallus vasta näio kandja!
Om iks kõrik kõrralinõ,
veereq viiekirälitseq,
kõrigõ_ks maaha kõrrutas,
vildi maaha veerütäs,
mineq sa maaha kõrigõ pääle,
veeräq maaha vildi pääle!
Teno_ks anna jumalallõ,
au alla Marijallõ:
om iks kõrik kõrralinõ,
veereq viiekirälitseq,
panti pihta peenü vüü,
panti kinä kiräline.
Teno_ks olguq jumalallõ,
kitetülle Marijallõ:
anti nätäq näio tüü,
anti kaiaq kabo tüü!
Om iks s´oo vüü lõikamalda,
päävüü päät´mäldä.
Ku um iks lõigat vüü,
päävüü pääditü,
sys olõ-i näiol uma tüü,
olõ-i virvel uma veet -
sys ummaq tennüq teräsalvõq,
ragonu rahapungaq.
Ku um vüü lõikamalda,
päävüü päät´mäldä,
sys um os´al uma tett,
sys um kullal uma koet.