21. Läkiq tassa talolõ.

SL 1640.
H, Setu 1884, 227 (13 b) < Tobrova k. - Jak. Hurt < Tobrova Ode (1884).

Velekene noorõkõnõ,
läki_ks mi siiä seenitsehe,
läkiq tassa talolõ!
Vell´o_ks, mineq tassa talolõ,
hillä hellä huunõhõ -
siin iks hillä eleti,
siin tassa taheti!
Inne_ks tarrõ mingu-i,
saagu-i sauhuunõhe!
Siin om iks ohtjas ussõ all,
takjas tarõ läve all -
agu_ks ajetat ohtjallõ,
taatõtat takjallõ?
Ohtjal iks sugu suuri,
takjal latsõq targaq!
Velekene noorõkõnõ,
kallis imekanakõnõ,
kui sa_ks ta tulliq neio kodo,
tulliq kabo kastõrahe,
sys mi_ks kae kavalut,
taha saiaq tarkust,
kui_ks meid vasta võõdõti,
ostijada oodõti?
Vel´o jätä-s umma unõhusi,
jätä-s kapo kaotsihe -
ehk iks uut´ ostõt neio,
kaie kaubõld kabokõnõ?