35. Etsa tants´kõq, targaq meheq!

SL 1662.
EKS 8º 3, 420 (16) < Räpinä, Naha k. - Joh. Hurt < Höödo naane (1876).

Etsa tants´kõq, targaq meheq,
kõnd´kõq, meheq kõrralisõq!
Ammu oodit sedä aigu,
kunas saavaq velel sajaq,
kunas tulõ tuu tunnikõnõ,
astus tuu aokõnõ,
saame kalliq karada,
peenü illo pidädä.
Kaki saapaq karatõh,
pei kängäq pillatõh,
visksi kondsa kua pääle,
talla tarõ harja pääle.
Olkõ terve, hää veli -
tegi saja külälegi,
rõõmu ristirahvalõ!
Häste tegi hää veli,
meele peräst mi veli:
otsõ vällä orga seestä,
mäleht´ mäki vaihõlta!