45. Mõrsja saadakse kätte.

SL 1677.
H, Setu 1884, 150 (37 IV) < Kran´tsova k. - Jak. Hurt < Darja Petrovna (1884).

Teno_ks olguq jumalallõ:
ega_ks võta-s vyyrit,
külest külä neidisit -
vell´o tundsõ_ks uma ostõdu,
kaie uma kaubõldu!
Pikä võtt´ iks pikki seäst,
kinä muidõ keskest.
Ärä_ks peti, ärä võti:
peti_ks piiragu küdsäjä,
laja vadsa latsutaja!
Edo sai_ks mi meeltä pite,
saie mi sal´dust pite:
kulla_ks üte-kor[r]ukõsõq,
pisu ütepiukõsõq,
sai_ks mu vele olalinõ,
kalli kaala-arvolinõ!
Teno_ks olguq jumalallõ!
Edo_ks meilä meeli hüä,
meeli_ks hüä, keeli kerge!
Ärä_ks meil miildü meelekene,
ärä süttü süämekene,
kui sai_ks meil viirde velenaane,
mi kätte käskijalg!

SL 1678.
H, Setu 1884, 347 (16) < Vinnüski k. - Jak. Hurt < Tatjana Kondratjeva (1884).

Ait´umma armallõ -
peti_ks tä hindä piukõsõ,
kor´as´ hindä kor[r]ukõsõ,
tõistõ võtt´ tä siäst sirgõmba,
kinämbä muidõ keskest!
Päst´ iks tä piiragu küdsäjäs,
laja vadsa latsutajas.
Mi_ks verrev velenaane,
pakõ_ks siist parma siäst,
kiholaistõ keskest,
mi tulõq sa_ks mehiste sisse,
vahalaistõ vaihõllõ -
mi_ks meheq mehiläseq,
naaseq Narva kimalasõq!
Mi_ks verrev velenaane,
ärä sa ikkuq meele tullõh,
kahiku-i kalduh!
Kõõ olõt sa_ks jumala pallõlnu,
kõõ Maarja manitsõnuq,
selle_ks su[l] sai hüä ülä,
hüä ülä, kallis kaasa.