52. Manitsus pruutpaarile.

SL 1689.
H, Setu 1884, 505 (8) < Lasarevo k. - Jak. Hurt < Melähnüvä Hedo (1884).

Mandsi, mul meelimar´akõnõ,
mõtliq sa liina linikel,
tano all ausampi -
saa-i sa liina linikel,
tano all ausampi!
Kui sa_ks olnuq neiokõnõ,
sõrmõh olnuq sõrmus tinanõ,
veereh olnuq vaskivitsakõnõ,
paisti_ks vällä ese pajast,
läüge_ks vällä ese lävest.
Oo_ks tsõõri sõsardani,
nu jäiq sa ülä ümbrelle,
sõrmõh om sul sõrmus kullanõ,
veereh hõpõvitsakõnõ -
paistu-i vällä ülä pajast,
läügü-i vällä ülä lävest!
Läät sa_ks üle ülä moro,
takah jääs moro muatsõst,
takah naka-i haina haletama.
Kui sa_ks olliq umah kotoh,
olli_ks sa uma ese man,
lätsiq sa üle ese moro,
takah jäi haina haletama,
takah jäi moro muhetama.
Üle_ks sa pilliq pistilitse -
saa-s sust vika vislapuulõ,
saa-s sust hätä häelmille.
Sai_ks sa ülä ümbrelle,
sai_ks sust hädä häelmille,
sai_ks sust viga vislapuulõ,
Mandsi_ks, meelimar´akõnõ!
Ülgüväni, kaasuvani,
ärä_ks sa kostku-i kurjo sõnno,
ärä sa kak'ku-i kalgi sõnno!
Mõistsõq sa võtta, mõistaq hoita,
angu-i sa kar´ustõ kadsataq,
öüdsiliste üles aiaq!
Hot´ küdsä sul iks nainõ nädsä leevä,
pereh ütel´: "Pessäq nainõ!",
talo ütel´: "Tapaq nainõ!" -
ega ma ei pessäq perre läbi,
ega ma ei tapaq talo läbi!
Esi ma süü nädsä leevä,
syski pessä-i perre läbi:
om mu_ks naane noorõkõnõ
kui ta_ks munakoorõkõnõ,
rõõsa_ks-piimä nahakõnõ,
kui ta_ks pindo piimä pääl,
nii_ks mu noori naisõkõnõ,
olõkõrsi ollõ pääl.