6. Milles võtat võrgidu?

SL 1624.
H II 4, 415 (176) < Ugareva k. - Jak. Hurt < Kriisa Kati (1886).

Velekene noorõkõnõ,
kallis imekanakõnõ,
küünü mi sinolt küsümä,
nõsõ sinolt nõudma:
milles sa otsõq sääntse osa,
milles kaiq sääntse kabo,
kel om tarõh häühäll,
häükablaq kambrõh?
Võtat iks muidõ võrgidu,
putut muidõ pruugidu -
lövvä-s sa ilmah ilosappa,
lövvä-s pall´o parebat?
Läät iks kui perrä näiolõ,
kallut kui perrä kabolõ,
hukkas iks tä rattaq ravvadsõq,
hukkas teleq tinadsõq -
um iks kavva tä kasunu,
um iks liiga leonu!