62. Mõrsja jätab vanemad jumalaga.

SL 1701.
EKS 8º 3, 449 (2) < Räpinä khlk. - Joh. Hurt (1876).

Jätä kodo jumalaga,
jätä sii maja Marijaga!
Imekene helläkene,
tätäkene, tähekene,
olõ-s teil armas andõnõna,
kallis ma teil kaubõldõna -
mul om hallõ ärä minnä,
kallis ütest kakõda!
Võõras ma saa võõrastõ sekkä,
kabokõnõ kaugõlõ.
Sedä ma pelgä, neiokõnõ,
kõõ kahitsõ, kabokõnõ:
agu minno, võõrast, vihatas,
sälä takah salvetas?
Olõ-i kurja ma kullõlnu,
olõ-i kalgõ ma kannahtanu.