8. Sajarahvast oodatakse.

SL 1626.
H, Setu 1884, 39 (8) < Kran´tsova k. - Jak. Hurt < Darja Petrovna (1884).

Hõimukõnõ, suukõnõ,
neio võrgas võsakõnõ,
kul´atõlgõ_ks, veerätelgeq,
ilotõlgõq, nal´atõlgõq -
no om meil iks osi umah kotoh,
meelimarja umah kotoh!
Kui meil iks viiäs osi umast kotost,
meelimarja umast kotost,
sys jää_ks mi kurva, kulla hõim,
jäämi vaiki, vana hõim.
Hõimukõnõ, suukõnõ,
neio võrgas võsakõnõ,
läki_ks mi ussõ kaema,
ese tsõõrilõ morolõ,
miä_ks tuu hulka huulitsah,
miä tuu parki paja all!
Kiä_ks nuuq rahvit,
kua kulla käüjit?
Sõa om iks hulka huulitsah,
vainu parki paja all.
Tunnõ_ks, tunnõ meelestäni,
tunnõ meele poolõstani:
sõa_ks olõ-i taa hulka huulitsah,
vainu parki paja all.
Kas ommaq naa_ks Riia rikkaq säksaq,
Tarto targaq esändäq?
Tunnõ_ks, tunnõ meelestäni,
tunnõ meele poolõstani:
ega olõ-i n´ooq Riia rikkaq säksaq,
Tarto targaq esändäq,
n´ooq omma_ks neio otsijaq,
ommaq kabo kaupõlõjaq.