9. Sajarahvas tuleb.

SL 1627.
H, Setu 1884, 422 (5) < Teaste k. - Jak. Hurt < Teaste Saava (1884).

Sõida_ks mi, sõida, poisikõsõq,
veerä, veerä, virvekeseq,
sõida_ks mi sedä sajateedä,
kallu üteh kaasigõq.
Vell´okõnõ noorõkõnõ,
noorõkõnõ, nõrgakõnõ,
kui_ks mi lää neio kodo,
lää mõrsja mõisahe,
anna-i naardaq umma veljä,
imelasta imehtellä!
Kodo mi_ks jäti kur´a mehe,
panni pagana magama:
sõnaq panni mi_ks üskä sõglaga,
lauluq kaala langaga,
sõgla_ks tävve sõimusõnnu,
langatävve lõimulyyguisi.
Kotost mi tulli, kulla meheq,
astõ, armaq umadsõq,
kotost mi võti kotitävve,
siiä siniräti-tävve.
Kui mi_ks naka laulõmahe,
laulõmahe, laskõmahe,
anna-i_ks mi naardaq umma veljä,
imelasta imehtellä!
Laula_ks mi lauda mäele,
tandsi talli tasatsõhe,
sisse laula_ks siididse hobõsõ,
ala lae laugikõsõ.
Anna-i mi naardaq umma veljä,
imelasta imehtellä!
Kui_ks ti tahat ollaq ilotuhe,
kui ti_ks ajat sõimõlõma,
sõimõlõma, lõimõlõma,
kotost lää mi tuu kur´a mehe,
pantu pagana magamast -
tuul ummaq üteh sõimusõnaq,
ummaq lõimulyygusõq:
võtt tä_ks ollõ olilta,
viina voodõhtõ veereltä,
ütel tunnil iks siiä tulõ,
astus ajol veitül.
Anna-i naardaq umma veljä,
imelasta imehtellä!