Võro Keele ja Kultuuri Fond (VKKF)

Eesti keeleh saad lukõ siist.

Asutõt märdikuu 12-ndal pääväl 1988 Elleri Kalle, Kama Kaido ja Silla Andsu iistvõttõl.

VKKF taht uma tegemiisiga alalõ hoita ni edesi viiäq aoluulidsõ (täüspiireen) Võromaa umma kultuuri ni võro kiilt.

VKKF tege ja toetas:

1. Võromaa vanarahva tiidmisi kokkokorjamist, tsäpendämist ja välläandmist
2. Võro keele korjamist, tsäpendämist ja keeletsäpendäjide tüü välläandmist
   
3. Võromaa kotussõnimmi õigõspandmist
4. Võro keelen nõvvuraamatide ni kiränduse kirotamist ja välläandmist
5. Umma kultuuri ja võro kiilt hääspandvat teotsõmist kyikin miiq ao kultuurivaldun (kunstiilm, teatri, muusika jne.)
6. Võro keele tarvitamist aokirändüsen, võro keelen välläandõ vai raadiojaama tegemist
7. Võro keele ja umakultuuri oppamist
8. Võromaa koolõn Opmist-oppamist egän as`an, mis umakultuuri pututas (kursusõq, opireisiq, opiringiq, seminariq, konverendsiq, suvõlaagriq, näütüseq ja näütüsmüügiq jne.)

Suvõülikuuliq

Võro Keele ja Kultuuri Fond om kõrraldanuq egäaastast Kaika Suvõülikuuli (1989 - 1996), mis om Võromaa uma kultuurist huvitõtuisi päämine trehvämine. Asupaik egä aasta esiq kihkunnan ja asupaiga seotu ettekandõq ommaq avitanu laembalõ viiäq võro esiolõmise poolehoitjide arusaamist tollõst, midä tetäq saa ja tetäq tulõ. Kaika suvõülikooliq valmistivaq ette Võro Instituudi luumise.

Kae kokkokorjatu ettelugõmisi:

• Kaika Suvõülikuul Kaikal, Tartu 1990
• Kaika Suvõülikuul Lüllemäel, Võru 1996

VKKF vii edesi soomõugri hõimuseossit aoluulidsõl Võromaal ja um liikmõs Sihtasutisõn "Fenno-Ugria".

1996. aasta mihklikuun otsust VKKF kokkusaaminõ fondi ümbre tetäq säädüse perrä mittetulundusühingus (seldsi õigusõq). Vahepäälses aos panti VKKF päämehes Saarõ Evar.