Mehe olli sitsmekese hainal Vinnemaa piiri veereh. Piiris*1 oll' jõgi. Vinnemaa puul oll' suur mõts. Mii*2 puul oll' hainamaa. Olli lõuna vaheaig. Ollimi üte puhma*3 veereh ja seimi*4. Hopõn sei kah perve*5 pääl.
Kaimi*6, et üts suur susi tulõ Vinnemaa poolõ puult, oidus*7 üle jõõ ja läts hobõsõ mano*8. Mii kaimi, mis tää õigõ tege.
Hopõn sei. Susi nakas hannaga vehkmä hobõsõ poolõ. Hopõn es tii*9 vällägi. Susi õks käve*10 ümbre hobõsõ. Õks*11 es nõsta*12 hopõn pääd.
Sis läts susi jõõ viirde ja nakas handa vasta kruusa nühkma. Tull sis hobõsõ mano. Nigu tä*13 handa raput,*14 hopõn nõst pää üles. Susi raput liivast handa. Liivaterä lätsi hobõsõlõ vasta silmi ja hobõsõlõ sai vallus, ni nõstsõ pää üles. A' susi krapsti! hobõsõlõ kaala külge ja lõõr*15 maahha.
Läts sis joostõh*16 jõõ viirde, oidu üle ja pagõsi mõtsa, mii es saa midägi tetä.
*1 piiriks; *2 meie; *3 põõsa; *4 sõime; *5 kalda; *6 kaesime, vaatasime; *7 ujus;
*8 juurde; *9 ei teinud, *10 käis; *11 ikka; *12 ei tõstnud; *13 ta; *14 raputas; *15 kõri; *16 joostes
142. Hunt raputab pori.ERA II 186, 28/30 (9) Rõuge, Haanja v., Voki k. – Ludvig Raudsepp < vanaperemees Seim, s. 1875 (1938). – [AT 166 B* 3)]