Эрьгеть
Панар мештест аватне сёлгилизь сюлгамосо - сюлгамо, сюлгам.
Мокшонь сюлгамотне эрзянь сюлгамотнень марто а вейкетельть. Мокшонь сюлгамонть песэ ульнесь пижень панкс, конанень содозельть эрьгеть, пижень рисьметь ярмаконь, горниповонь марто.
Эрзянь сюлгамотне алашань подков кондямот. Кода сёрмадсь Паллас (Маннинен 1929: 138), эрзянь аватне сёлгилизь панар мештест кирганть видьсэ вишка сюлгамосо, мештенть лангсо - покшосо, конань пес поводезельть стака рисьметь эрьге, пов марто, сеньде башка - рисьминеть ярмак, горнипов марто. Сынст сталмост оршамонть марто вейсэ ульнесь истямо, кодамольть алашань кильдемапельтне.
|
Мокшонь аватне кирьгасо, меште лангсо кандтлесть човалясто кодавкст - цифкст, тифкст, крганьпирьфт.
|
Крганьпирьф - кодавксонть авась сравтылизе лавтовганзо, песь кадовиль мештенть лангс. Кодавксось теезель геометриянь формасо, човалятне эйсэнзэ ульнесть ламо тюссо, пель-ковонь кондямо алга ёнонть прядызь чова уськес содозь ярмакт.
 Крганьпирьф. Теезь 1940 и. шкава. Мордовия, 3убово Полянань район, Мокшонь Пимбур веле. Карм Ю. 1984. (Fk 2086: 33) |  Гайтан. Мордовия, 3убово Полянань район, Мокшонь Пимбур веле. Карм Ю. 1984. (Fk 2086: 88) |
Кода эрзянь, истя мокшонь аватнень киргасост эрьгетнень марто вейсэ ульнесь крёст. Ведьменть, конанень поводезель крёстось, кодылизь эрьгестэ, лиясто сень таркас ульнесь парсеень лента. Ведьментень мерсть гайтан.
Мокшаватнень ульнесь кодавкс кондямо паяравань-крганя, конань эйсэ сынь мазылгавтызь мештест (Хейкель 1899: XVI).
Эрзя-мокшонь аватнень эрсисть кодавкст, конань сынь кандтлесть лавтов ланга каязь. Кодавксось лапаске теезель човалясто. Кодавксось крёска ульнесь кавтонь пельсэ. Не пельтне поводезельть вейке омбоценть трокс, лавтовсто саезь кавалалга. Эйзэст кодазельть човалят, повт (Белицер 1973: 126).
Тенде башка аватнень ульнесть ламо лият мазылгавкст, эрьгень, ярмак марто ( кргане, кирьгатат, онакерькст, эрьгеть, сият, монетат).
 Ожа марто икельга паця: запон; прясуре: ашкотф (В 151: 14); покш кодавкс киргава: бояравань кргане; киргава ведьме: кавал алга крёскане (В 151: 12). Мордовия, Ковылкинань район, Мокшонь Авгур веле. Карм Ю. 1985. (Fk 2131: 28) |  Прясуреть: цёкт. Мордовия, Зубово Полянань район, Мокшонь Пимбур веле. Карм Ю. 1984. (Fk 2086: 89). |
Эрзянь-мокшонь аватнень прясо эрсисть парсей сурестэ теезь цёкт, конанень поводезельть кумбрят; не цёктне нолдазельть пилетнень видьга (Клебанд 1986: 56).
Пря мазылгавкстнэнь стака явомс прявельтявкстнэнь эйстэ. Мазылгавксокс лововить кандтлемапельтне ашкотф, пилисар, прясуре.
Пилесэст аватне кандтлесть пилекст ( пилькст), конат ульнесть рамазь. Сынсь тейнесть мазылгавкст понасурестэ, мацеень, яксяргонь пухсто, пук, пух, конань кемекстылизь килькш эйсэ пиленть удалов.
Сурсост аватнень ульнесть суркст.
 |