Лем-валтнэнь статистикаст

---

Оршамопелень лемтне (весемезэ 216 терминт, 189 эйстэст вейке валсо) этимологияст коряс явовить истя: 56% - эсь келень валт, 16% - валт, конаньсэ ули лия келень элемент, (лиясто лемесь путозь кавто лия келень валсто: парсей шаль). Лия кельстэ саезь валтнэнь эйстэ - 28%, сынст ютксо 25% рузонь келень, 3% тюркань келень (вт. таблица 1).

таблица 1





189 валтнэнь ютксо 58% эсь келень, 42% - лия келень валт (вт. таблица 2).

таблица 2





17% лемтнень эйстэ - эрзянь-мокшонь валт. Рав-чирень вейсэ келень валтнэде - 1%, рав-чирень финнэнь - 15%, пермень финнэнь - 3%, финнэнь-угрань - 15%, уралонь вейсэ келень - 5%. Лия келень валтнэнь эйстэ 35% рузонь, 6% тюркань, 1% индо-европань (вт. таблица 3). Рузонь кельстэ саезь валтнэнь пельксэст таблицасонть неяви покшокс. Эряви тешкстамс, рузонь кельстэ саезь валтнэ невтезь весе велув, апак яво сень коряс, кодамо кельстэ сынь саезь рузонь келентень. Ютксост явовить арабонь, уралоньгак валт: истя, валось каводе (вт. п. Викшневкст), Фасмерэнь коряс, пачкодсь мекев финнэнь-угрань кельтненень рузонь келенть пачк.

таблица 3





Содазь, эрзянь-мокшонь кельтнесэ пек марявить рузонь келенть эйстэ саезь валтнэ. Седе ламо эйстэст - а пек умонь шкань, сынь саевсть музеень материалтнэнь эйскак. Тенде башка, музеень этнографтнэ кортасть информантэнть марто рузокс - сень кувалт ёвтыцянтенень, улема, седе шождаль васенцекс ёвтамс рузонь келень лементь. Сеедьстэ лемтнень улить кавто вариантост, рузонь кельсэ - эсь кельсэ (шуба - ор).

Оршамопельтнен коряс саезь, лемтнесэ лия келень валтнэ эсь келень валтнэнь лангс савить а вейкетьстэ. (Ало невтезь табеленть теемстэ ловозельть вейке валсо лемтне.)

Эсь юронь валтнэнь ламоксчист седе пек неяви викшневкстнэнь лемесэст - 88%, лия келень - 12%. Ламотнесэ муевить вейсэнь уралонь келень юрт - 17%, мезесь корты викшневкстнэнь умокчидест. Ритуалонь оршамопельтнень лемсэсткак ламо эсь юронь валт - 80%, эйстэст 20% уралонь вейсэ келень шкасто.

Панартнэнь лемтнесэяк эсь юронь валт нэ седе ламо - 90%, лия кельтнестэ - 10% - мезесь, тагояк, корты не валтнэнь, сынст пелькстнэнь умокчидест.

Ламо рузонь кельстэ саезь валтнэ совасть кельтненень а пек умок - шкастонть, снярдо эрзятне-мокшотне кармасть кандтлеме рузонь оршамопельть. Истя, эрзянь-мокшонь панар-лемтнень ютксо ансяк 5% рузонь келень валт, икельга пацятнень ютксо те пельксэнть эйсэ сынь ловозельть вейсэ седе од рузонь оршамопельтнень: юбкатнень, платиятнень, жилеткатнень, пиджактнень марто - рузонь валтнэде 58%. Рузонь валтнэде седе ламо ланга оршамопельтнень лемест ютксо - 82%, прявельтямотнень, карсемапельтнень лемест ютксо: васенцетнень эйстэ 50%, омбо цетнень 40.

Тюркань келень валтнэ лемтнень эйсэ а ламот (весемезэ 5%), сынь муевить мазылгавкстнэнь, эрьгетнень, каркстнэн, карксонь мазылгавкстнэнь лемест ваннозь. Тень кувалт неявить маласо эриця раськетнень ёност, микшнема - рамсема коест.

Лем-нэнь статистикаст коряс неяви: оршамопельтнень, конань седе кувака традицияст, кандови кезэрень лемест, седе од шкань оршамопельтнень лемест саезть лия кельстэ.