Каркст
 Мокшонь кодазь каркс: лазнэсэ каркс. (В 149 : 3) |  Мокшонь кодазь каркс: лазнэсэ каркс - фрагмент. (В 149 : 3) |
Каркстнэнь кодылизь лазнэсэ, секс сынест мерсть лазнэсэ каркс; ульнесть булавкасо (салмукссо) кодазь каркст - булавка каркст, трубкань формасо; вигинесэ кодазь карксонтень мерсть вигинесэ каркс.
 Булавкасо кодазь эрзянь булавка каркс. (В 61: 6) |
 Вигинесэ кодазь каркс: вигинесэ каркс, мокшонь. (B71: 10) |  Вигинесэ кодазь каркс: вигинесэ каркс, эрзянь. (B140: 40) |
Мокшонь каркстнэ эрзянь каркстнэнь коряс седе теенельть, кувака ялав марто, конанень поводезельть плёскат, кумбрят, суликань эрьгеть, парсей сурестэ теезь цёкот. Каркстнэнь эйс кодазельть раужо, якстере, ожо, пиже суреть. Карксонть сюлмилизь вить ёнов, цёкотне нолдазельть икеле пацянть кувалманзо (Клебанд 1986: 50).
 Мокшонь ава; оршамонзо: панар лангакаям, жилетка, келей каркс кушак, паця, прясуреть; мазылгавкстнэ: монетат, кргань пирьф, гайтан (эйсэнзэ 4-це степенень Георгиень крест). Мордовия, Зубово Полянань район, Мокшонь Пимбур веле. Карм Ю. 1984. (Fk 2086: 201-206). |  Каркспеть: каркспитф, икеле пацянть алдо неявить карксонть цёконзо. Мордовия, Ковылкинань район, Сыре (Ташто) Пшенёва веле. Карм Ю. 1985. (Fk 2131: 106). |
Кувака каркстнэнь, кушактнэнь, кандтлизь кода мокшонь, истя эрзянь аватне. Сынь кодазельть киксэнь-кикс якстере-пиже суресэ, эрсисть вейке тюссояк.
 |  Мокшонь ава: панарозо карксазь кушаксо. Мордовия, Зубово Полянань район, Мокшонь Пимбур веле. Карм Ю. 1984. (Fk 2086: 201-206). |
Нетне каркстнэнь кандтлизь панар лангаяк, аволь ансяк ланга оршамотнень марто. Мокшотне карксылизь сынст жилетка, икеле паця ланга. Карксамодо икеле карксонть кувалмава мендилизь, лангс кадылизь седе теене кикстнэнь; мейле карксонть куншка тарканзо кадылизь икелев, петнень удало пельде таргилизь икелев, сюлмилизь весть, петнень тонгилизь кавто бокава карксонть алов (Клебанд 1986: 51).