20. Susi tuu poisal maaku.

SL 1115.
H II 3, 573 (86) < Vastseliina khlk. - H.Prants (1890).

Tulli üles hummogult,
inne varra valgõt,
karksi ussõ kaema.
Miä ussõh olõnõssõ,
saina takah saisanõssõ?
Meri ussõh olõnõssõ,
salo saisi saina takah.
Miä sääl mere veere pääl?
Tamm oll´ mere veere pääl.
Miä sääl tammõ ossa pääl?
Säng oll´ tammõ ossa pääl.
Miä sääl sängü siseh olli?
Pad´aq olliq paaritsih,
linaq olliq ligitsih.
Kiä pad´alõ lamõsi,
kiä heidi linatsõlõ?
Valgõt hiusta näiokõnõ,
tuu heidi linatsilõ;
lagjakaabo poisikõnõ,
tuu padjolõ lamõsi.
Haari ma imelt küsütellä:
"Imekene helläkene,
mar´a meelimaamakõnõ,
kas sa lasõt poisal maada,
lajal kaol lamaskõlla?"
"Tüttereni armahõni,
kanasõni kallihõni,
susi tuu poisal maakuq,
lagjakäppä lamuskõlguq!"