21. Sulastõ sugu parembi.

SL 1116.
H I 2, 677 (8) < Räpina khlk. - G.Narusk (1889).

Ime opas´ ellenäni,
karist´ kalmu minnenäni:
"Tütär, hellä linnukõnõ,
ärä sa no maakuq sulasõ man,
olguq no or´a voodõ'õnna!"
Mina no kuuli, vasta kosti:
"Sulasõ no sugu paremba,
or´a seeme selge'emp!"
Perepoiga, hoorapoiga -
tulli no viirde, es virotaq,
tulli no kõrvalõ, es kõnõlõq:
"Äräneq no, litsi, äräneq,
tõseq no üles, tõrvaskandu!"
(Sulanõ ütles:)
"Äräneq no, neio, äräneq,
tõseq üles, tõõnõpuuli!"

SL 1117.
EKS 8° 4, 366 (45) < Räpinä khlk. [Kõnnu k.] - J.Jagomann (1877).

Neiokõsõq noorõkõsõq,
miä meil viga veerätellä,
kua viga kul´atõlla?
Ime opas´ ellehnä,
karist´ kalmu minnehnä:
"Tütär, hellä linnukõnõ,
innemb makaq sulasõ man:
sulasõ sugu parembi,
or´a seeme selgehemb!
Perepoiga, hoorapoiga -
tükke suisa suuda andma,
väel sõrmust vahetama!
Es ma suisa suuda annaq.
Näiokõnõ noorõkõnõ,
sulasõ oo sugu parembi,
or´a seeme selgehemb!"
Kõõ mi, kullaq, vasta kosti,
suvõlindu, keeltä liiguti:
"Sulastõ nurmõ suu veeren,
palgalisõl paijo all!"