27. Orjapoisi kaebdus.

SL 1188.
EKS 8° 4, 167 (38) < Räpina, Kõnnu k. - J.Jagomann < Liisa Samuilov (1877).

Velekeseq noorõkõsõq,
keä_ks taht or´ah olla,
koa kävvä käskijalah,
tuu tulgo_ks minolt küsümä,
kuis or´ah oldanõs,
käskijalah käüdänes!
Or´al iks oja ussõ all,
lämmi läte läve all,
sõrmõdõl suuh sulatõlla,
põlvõ, peo peesitellä.
Or´al asõ ortõ pääl,
palgalisõl partõ pääl,
hinnalisel hirte pääl.
Velekene helläkene,
mina tuusõ or´a elo,
käskijala käümise:
or´al elo oholinõ,
vaesõl elo vaivalinõ!

SL 1189.
EKS 8° 4, 510 (7) < Räpinä khlk. - J.Jagomann (1876). ). [Sama laulu dublett-teisendi H. Jagomann
214 (20) järgi laulikuks Senka Tanilovits.]

Jummal hoitkoq or´a ello,
or´a ello, vaestõ vaiva!
Ori maka ortõ pääl,
palgalinõ partõ pääl,
hinnalinõ hirte pääl,
küünär vett oll´ küle all,
vass vett oll´ vaihõ'õlla.
Ega es olõq vihmavesi,
see oll´ selge silmävesi.
Or´al elo oholinõ,
vaesõl elo vaivalinõ!
Keä taht or´ah olla,
keä taht kävvä käskijalah,
see tulgoq minolt küsümä,
kuis or´ah ollõnõs,
kuis kävväs käskijalah!
Velekeseq noorõkõsõq,
noorõkõsõq, nõrgakõsõq,
or´al elo oholinõ,
vaesõl elo vaivalinõ!
Velekeseq noorõkõsõq,
ärä suurõs suurustagoq,
ärä kõrgis kõrgistagoq -
suurõ panõ suuhu sillapuist,
kõrgi kõivopurdõ'ist!
Velekeseq noorõkõsõq,
noorõkõsõq, nõrgakõsõq,
kaegõq tuu mõtsa pääle,
vahatsõ ladva var´ko pääle -
kaeq, kuis kokko kumardasõq,
ütte paika painutasõq!
Se laul ona ka EKS 8° 4, 22(6) leida, ainult selle vahega, et siin hüüdrida "Velekeseq noorõkõsõq" mõnes kohas tõisiti on paigutatud. Tõised read käivad mõlemas üleskirjutuses täiesti kokku.

SL 1190.
H I 8, 427 (41) < Vastseliina khlk. - J.Sandra < P.Hussar (1896).

Hai-tui-tui, mina vaenõ,
ala ilma armõtu!
Kolm hobõst oll´ mul käehnä:
üts oll´hiiru, tõõnõ kõrvi,
kolmas kogoni punanõ.
Hiirul rai rataspuida,
kõrvil krõkse kõdarida,
punatsõlõ pööri palgi.
Kubjas tulli tormatõh,
kiltri keppi keerutõllõh:
"Mis raot kavva rataspuida,
kavva krõksit kõdarida,
ülikavva pöörät palki?"
Kubjas and´ külgi pite,
kiltri tõmmas´ kintsa pite.
Mina vaenõ pääd vangutõli:
küleq tulda tuhisivaq,
kindsuq kirge kibisiväq,
silmäq vettä veeresiväq,
sarnaq lainit laskõsivaq.