Pühapäiv inne väikest maarjapäivä …

„Eesti rahvakalender“

Pühapäiv inne väikest maarjapäivä …

[---] Pühapäiv inne väikest maarjapäivä (8. sept.) om egakõrd Pankovitsa risti pühä, kuna rahvast tuhandide kaupa – veneläisi, lätläisi, eestläisi, kõige suuremb hulk setukeisi ega nel’a tuule puult kokko tormas. [---] Pühäpäivä olli õige tahe põudilmakene, mis ka liisnit kõrvaltkaejit saande kaupa säält ja täält kokko meelütas, nii et kogo sedä suurt rahvahulka silmateh teda mõnes laadas tules arvata. Laada kombel oli ka sääl hulk saiamüüjit, ubina-, sibula- ja limmonaadivälläpakjit kuuh. Ka mõni vene ja eesti raamatukaupleja oll muide müüjide seäh uma kaubaga. Kerikoh kingiti p[ühä] Maarjale hulk tiranikka, kindit, kaputit, linikit ja päärättegi. Kõiki heideti risti ristpuu pääle, kost kerikuülemba näid vististe umas tarvituses ära võtiva. Olli kerikuaig otsah, toodi p[ühä] Maarja vällä nink hakati kodo poole nõstma. Nõstja omma vabatahtliku inemise, kes seda õnnes ja pühäüses arvava, et na p[ühä] Maarjat nõsta omma saanu. Vanast nõsteti vabalt p[ühä] Maarjat Pihkvahe nink Ostrovaki, ent viimatsil aastadel on nõstjid puuduma hakanud ja kerikuülemba omma mõnt nelikut nõstma sundma pidanu, mis palju pahandust olevat toonu. [---]

Ristikäik.
* liisnit (vrd. vn. лишний) – ülearuseid; saande – sadade; kuuh – koos; tiranikka (vrd vn. стирать) – käterätte; kaputit – pikki sukki; nõstma – tõstma, kandma

Setu

J. Sandra

1900

H II 63, 502/3 (10) < Setumaa – J. Sandra (1900)

Ussimaarjapäev

TÄHENDUS, PÜHITSEMINE

7

5174