Водские и ижорские народные песни

На ижорском языке

Iloidaaks müö, ved oi, ihmeen noored, joo,
ihmeen nuorella, ved oi, ijällä, joo,
vihannalla, ved oi, varduvella, joo!
Kun müö vanhaksi, ved oi, tulemma, joo,
ei siid mieli, ved oi, tehnekkänä, joo,
eigä suu, ved oi, suvainnekkana, joo,
virred metsähän, ved oi, mäneväd, joo,
laulud soille, ved oi, lankeavad, joo.
Siid iloitsood, ved oi, suuret kuused, joo,
laulaad, ved oi, lahot pettäjäd, joo.
Las miä laulan, ved oi, nüd miä jouvan, joo,
nüd miä jouvan, ved oi, laulamaa, joo,
ja miä jouvan, ved oi, iloitsemaa, joo:
ei uo hellä, ved oi, heinä-aiga, joo,
eigä rukkehen, ved oi, rudinaa, joo,
eigä kaurojen, ved oi, kahinaa, joo,
viel on viigatteed, ved oi, vivussa, joo,
sirbid seisood, ved oi, seinän päällä, joo.

Lauloin ennev, ved oi, lapsembana, joo,
huuzin ennev, ved oi, hullumbana, joo.
En nüd ev, ved oi, rahoida laula, joo,
engä kullida, ved oi, kumahe, joo.
Eig ei laulella mium pittäzi, joo,
eig iloda, ved oi, enzingäähä, joo,
vaik ev voi keeltäni, ved oi, piellä, joo,
süvändäni ved oi hallikkoija joo.
Kumae, ved oi, kumea metsoi, joo,
heläe, ved oi, metsoi heleä, joo,
kumae, ved oi, kui miä kumoidan, joo,
heläe, ved oi, kui miä helöidän, joo!

Mänin metsähän miä kezoille, joo,
kesk-kezoilla miä hein-ajoilla, joo,
parahalla, ved oi, paistehella, joo,
putkehen, ved oi, punalla säällä, joo,
kaunoisäällä, ved oi, karbalohon, joo.
Olliid metsäd, ved oi, mettä täünnä, joo,
puu juuret puna-, ved oi, olutta, joo.
Ossin toobin, ved oi, ossin toizen, joo.
Hüvä oli korvessa, ved oi, kumissag, joo,
lehon alla, ved oi, lieroidellag, joo.
Jo tuli aigoi, ved oi, kottihin männäg, joo,
aigoi kirjoin, ved oi, aigoi karjoin, joo,
aigoi lapsen, ved oi, armottoman, joo.
Korvess on, ved oi, miun kottiini, joo,
matkoin on, ved oi, saarella maijaan, joo,
lindu lauloi, ved oi, ladvoissaani, joo,
miun oksillain, ved oi, orovain, joo,
kägöi kukkui, ved oi, kukkulalla, joo.
Em miä roohi, ved oi, kottihi männäg, joo,
ilman korven, ved oi, kukkaizidag, joo,
metsän meeli, ved oi, marjaizidag, joo –
jo on toodu, ved oi, toomen oksad, joo,
karsittu, ved oi, kattajan vitsad, joo,
mill mie peenoi, ved oi, pieksettihin, joo,
marjoi maahan, ved oi, kaaettihin, joo.